Circulaba dirección Ourense e asegura que ía a Monforte

A Garda Civil investiga ao presunto autor dun delito contra a seguridade viaria por conducir un turismo con perda de vixencia do seu permiso de condución e realizando un desprazamento non autorizado

Control GC / Garda Civil

A Garda Civil nos dispositivos planificados nas vías públicas da provincia de Lugo, co obxectivo de garantir a seguridade cidadá e de velar polo cumprimento das limitacións á circulación das persoas no vixente estado de alarma decretado con motivo do COVID-19, veñen detectando infraccións relacionados coa normativa de seguridade viaria.

Na tarde deste venres, 10 de abril, a Garda Civil atopábase realizando un punto de verificación de persoas e vehículos no quilómetro 527,800, da estrada N-120 (Logroño – Vigo), termo municipal de Sober (Lugo), onde procederon a inspeccionar un turismo no que viaxaba un home de 57 anos, condutor e único ocupante. Ao ser preguntado polo motivo da súa viaxe manifesta que se dirixía ao centro hospitalario da localidade de Monforte de Lemos, pero circulaba dirección Ourense, polo que a Garda Cilvil considera que era un desprazamento non autorizado.

Posteriormente a Garda Civil comproba que o condutor carece de autorización administrativa para a condución de vehículos de motor, ao constarlle unha perda de vixencia administrativa desde o ano 2017. Procédese á instrución de dilixencias policiais por un suposto delito contra a seguridade viaria.

DEIXAR UN COMENTARIO

Please enter your comment!
Please enter your name here