A Deputación de Lugo levará a cabo diferentes obras de mellora en cinco vías da rede provincial no concello de Folgoso do Courel. Isto obrigará a manter o tráfico cortado ou desviado entre os días 27 de xuño e 3 de xullo.

A LU-P-5601, que une Samos e Courel, e o seu ramal cara a Santa Mariña permanecerá pechada na súa totalidade, aínda que o fin de semana estará aberta. Noutras catro vías tamén se realizarán traballos de acondicionamento, pero contarán con desvíos sinalizados. Trátanse da LU-P-1301 entre Seoane do courel e Hospital e os seus ramais a Piñeira e Lousada-Vilela; a LU-P-1303 entre Seoane, Visuña e Ferramulín; a LU-P-1306 entre Megoxe, Seceda e Ferreira do Incio; e a LU-P-4501 entre Poio, Louzarela e o acceso a Meiraos.