A Asociación de Comerciantes e Empresarios – CCU de Sarria presentou onte día 27 de xuño a campaña “En 60 minutos 1.000 euros – 60×1.000”. Trátase dunha iniciativa en favor do comercio local que estará presente nas rúas de Sarria durante todo o mes de xullo, cadrando coa tempada de rebaixas.

As persoas que realicen compras nun dos 30 establecementos adheridos á campaña optarán a un premio que consiste en dispoñer de 1.000 euros para gastar nos comercios da vila, pero nun tempo máximo dunha hora.

Os comercios que participan da campaña son: Ara Moda, Bicarelo, Cactus Rose, Calzados Gayoso, Calzados Veiga, Carlin, Colorín Colorado Sarria, Cris Abad, D’Ari Shoes, Dimar, Duet, Electronova, Ferretería Sarria, Herboristería Linva, Joyería Díaz, Joyería Salgado, Lar de Menchu, Mercería Lucía, Mercería Sarillo, Moncho Moda, Olver’s Sarria, Óptica Malecón, Peregrinoteca, Píkaros Story, Piltras, Santamarta, Senayo, Trece Tablas, Ultreia e Vilamey Complementos.