O día 3 de xullo inaugurouse a II Exposición Itinerante Fotoxénica-Mente na Casa da Cultura de Monforte. Trátase dunha mostra promovida pola Asociación Albores Saúde Mental, cuxa finalidade é a de promover a saúde integral das persoas con enfermidades mentais.
Poderá visitarse ata o próximo venres 19 de xullo e recolle as mellores fotografías do segundo certame de fotografía Fotoxénica-Mente, celebrado no 2018. As instantáneas están acompañadas de notas informativas sobre diversos aspectos da saúde mental.
Lembrámosvos que Albores Saúde Mental ten a finalidade de promover a saúde integral das persoas con enfermidades mentáis, así como mellorar a súa calidade de vida, a das súas familias e a da súa comunidade de pertenza.
Esta exposición forma parte das accións de sensibilización que Albores ten planificadas para o ano 2019. Fotoxénica-Menta xa recorreu nas pasadas semanas diversos centros de educación primaria e secundaria, aproveitando que o pasado Día Mundial da Saúde Mental estivo adicado á xente nova. Durante o verán a mostra moverase a distintos sitios públicos, debido ao peche dos colexios por vacacións.
