Como xa informou o XdL, a guerra aberta entre o PSOE de Sarria e o Delegado da Xunta de Galicia na provincia de Lugo, parece non ter fin.
Pilar López Yáñez, alcaldesa de Sarria denuncia que Balseiro a culpe da perda da Risga por parte do seu concello. Segundo a rexedora, un fallo no programa informático por parte da Xunta de Galicia impediu que se entragara dentro do prazo establecido a axuda económica. “Sorpréndeme que o Delegado da Xunta no lugar de asumir o fallo informático da plataforma da administración que representa, culpe ós demais. Resulta escandaloso que o máximo representante da Xunta na provincia de Lugo anuncie publicamente sen comunicarllo ó Concello a perda inxusta destas axudas, cando a administración local recorreu debido a dito fallo”. Con estas palabras, a alcaldesa deixa constancia da súa oposición a cada unha declaracións vertidas por Balseiro contra as actuacións do organismo municipal.
Finalmente, a alcaldesa faille un chamamento a Balseiro co obxectivo de poñer fin a unha situación de ataques e improperios, “dende o PSOE de Sarria solicitámoslle a Balseiro que se deixe de atacar, e que exerza de Delegado, traendo proxectos de verdade e que melloren a calidade de vida dos veciños, e non traer ridículas inversións ou sacarse fotos vendendo gastos correntes”.
