HomesociedadeRede profesional de turismo científico para o territorio Ancares-O Courel

Rede profesional de turismo científico para o territorio Ancares-O Courel

O obxectivo desta iniciativa da Deputación e de Observer Science Tourism é impulsar novas iniciativas turísticas vinculadas á ciencia neste espazo natural da provincia de Lugo.

Publicado o

- Advertisement -

A Rede Profesional estará formada polos 16 concellos da provincia deste espazo natural, universidades, administracións encargadas da planificación e deseño de políticas turísticas, xestores públicos e tamén empresas de turismo, fundacións e investigadores, entre outros, vinculados ao turismo científico deste territorio.

Con esta iniciativa, a Deputación continúa desenvolvendo actuacións que reforzan a oferta turística da provincia e posicionan Os Ancares e O Courel como un destino turístico diferenciado, baseado na sustentabilidade, e vinculado ao turismo de natureza e á ciencia cidadá.

A deputada García Porto subliña que “O obxectivo da Rede é ser unha plataforma de difusión, cooperación, deseño e planificación de novas estratexias que posicionen esta zona da provincia de Lugo como un destino turístico diferenciado, baseado na sustentabilidade, e vinculado ao turismo de natureza e á ciencia cidadá”. 

No marco do Plan Estratéxico de Turismo da Provincia de Lugo 2017-2020 enmarcouse a creación dun ecosistema integrado de Turismo Científico nos Ancares e O Courel que iniciou a Deputación en agosto de 2018. Posteriormente este territorio recibiu a certificación Espazo Observer Turismo Científico que avala o potencial deste espazo natural como reserva científica.

A Rede Profesional de Turismo Científico para o territorio dos Ancares e O Courel é unha das 10 accións que está a desenvolver a Deputación para potenciar un turismo de natureza diferenciado na provincia e atraer máis visitantes. Entre as accións rematadas neste último ano, ofreceuse formación para capacitar a 25 persoas como guías de turismo científico; creouse un vídeo promocional dos valores naturais deste destino de turismo científico e tamén unha guía dixital de roteiros; estanse sinalizando os 5 itinerarios científicos e, en breve, contarse cunha nova web e unha APP descargable con toda a información necesaria para que os visitantes poidan coñecer e percorrer os recursos científicos, naturais, culturais máis relevantes deste territorio.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...