O presidente da Xunta, Alberto Núñez Feijóo, defendeu este xoves as actuacións do seu executivo e, concretamente, ao director xeral de Industria e Minas, Bernardo Tahoces, tras a setenza do Tribunal Superior de Xustiza de Galicia (TSXG) que ordena a paralización das obras do parque eólico do Oribio. De feito, foi máis alá ao anunciar que recorrerán esa decisión.

“Presentaremos un recurso ante o TSXG”, dixo Feijóo na rolda de prensa posterior ao Consello da Xunta ao defender os permisos outorgados polo seu goberno á empresa que xestiona ese parque e que o alto tribunal galego considera irregulares. Neste sentido, defendeu a política eólica do seu goberno e lembrou que ese parque foi autorizado en 2007, cun goberno do bipartito. Toda a información no Galicia Confidencial.