A Xunta de Galicia entrega unha vivenda de promoción pública en réxime de alugueiro situada no casco histórico de Chantada, na rúa Dous de Maio. O inmoble ten unha superficie de 84,32 metros cadrados cunha distribución de espazos en vertical.
O Goberno galego dispón no municipio dun parque de preto dun cento de vivendas de promoción pública. En concreto, hai 87 de réxime xeral repartidas en tres edificios da vila, e oito en dous edificios do casco histórico; todas están ocupadas salvo unha destas últimas, que está en trámites de adxudicación.
As persoas interesadas poden inscribirse en calquera momento no Rexistro Único de Demandantes, que xestiona o Instituto Galego de Vivenda e Solo (IGVS), dependente da Consellería de Medio Ambiente, Territorio e Vivenda. As inscricións poden facerse presencialmente ou ben a través da sede electrónica da Xunta.
