O Sergas confirmou a existencia dun novo gromo de coronavirus no municipio lucense de Pantón que, de momento, afecta a sete novos menores de 20 anos que, de acordo coa información facilitada polo alcalde da localidade, José Luis Álvarez, coincidirían a finais de agosto nunha festa para “despedir o verán”.
PCR NA RODAXE
Ese brote foi detectado grazas ás probas PCR realizadas na rodaxe da nova película de Dani de la Torre, explicou Álvarez, na que dous dos mozos ían participar como figurantes. O rexedor local precisou que, despois deses primeiros positivos, fixéronse probas aos contactos e apareceron outros cinco casos, aínda que tamén precisou que todos eles son “asintómaticos”.
Ademais, aclarou que o gromo está “en principio controlado”, porque foron realizadas unhas “cincuenta probas” entre os familiares e os contactos dos mozos que deron positivo e todas “resultaron negativas”.
