“A comunicación por parte desa dirección nunca foi boa, sempre nos tivemos que enterar polos pasillos de calquera cambio que se producira no noso hospital”, aseguran desde a xunta de persoal, que lembra que lle tiñan pedido en multitude de ocasións ser informados de calquera cambio que se fixera e “nunca o fixeron”,

A xunta de persoal asegura alegrarse polo que viña sendo seu director, pero cren que no hospital de Vigo non estarán tan contentos recibindo ao que califican como o peor xerente que pasou polo hospital monfortino.

“O hospital leva sen dirección moito tempo debido a súa baixa por paternidade, a que ten todo o dereito do mundo. Pero ca que está caendo en Monforte por mor da COVID, non nos merecemos estar sen dirección e sen ter un interlocutor a quen dirixirnos para tratar de solucionar calquera problema que poida xurdir” lamentan desde a xunta de persoal; que espera unha reunión na maior brevidade posible para ser informados do que vai acontecer co centro hospitalario.