Para Olalla Rodil “o caso do encoro de Belesar é un dos exemplos máis claros do espolio ao que está sometido o nos país” xa que “a pesares da grande cantidade de enerxía eléctrica que se produce neste enconro, non supón ningún beneficio para a zona nin para os seus habitantes que pagar a luz ao mesmo prezo que en Madrid ou Sevilla”. Rodil aclarou que “as eléctricas son benefeciadas por un goberno do estado centralista que non obriga a un prezo da enerxía en función dos danos que fai nas zonas onde se produce”.

Ademais de criticar ao goberno do estado por pemitir un prezo da enerxía eléctrica desmesurado, o Bloque transmitiu a súa proposta de aplicar un novo plan sectorial eólico avogando pola ordenación e protección do territorio, no que os beneficios da produción repercutan na sociedade, a través da creación dunha empresa pública galega de enerxía e unha tarifa eléctrica galega que abarate a factura da luz das galegas e dos galegos.

Olalla Rodil sinalou neste acto que o boom eólico que se está a producir en Galicia reponde aos “plans das grandes multinacionais para espoliar a nosa riqueza, desde Abadín ata Pedrafita existen proxectos que afectan a milleiros de persoas” ao que subliñou a afinidade do Partido Popular co empresariado deste sector “mentras Feijóo abraza aos lobby’s eléctricos ou a ex-conselleira Beatriz Mato está na dirección de Greenalia, as galegas e galegos sofremos a factura da luz máis cara do Estado sendo produtoras” dixo Rodil.

Nesta liña, a nacionalista destacou que “este boom tinguido de falso verde quere saquear Galiza, desde o BNG propomos desenvolver un modelo sustentábel, xusto coa sociedade, aplicando medidas como unha tarifa galega que abarate a factura, que o rural sexa compensado polo impacto destas instalacións como merece e non se determine a súa expulsión do territorio e que se vinculen os puntos de produción con proxectos industriais”.