O encontro serviu para abordar distintos temas coma a posibilidade de impartir un curso de seguridade básica no Saviñao, dotar ao Saviñao -como concello con saída ao río Miño e cunha praia fluvial con moita afluencia como é a Praia da Cova- dunha zódiac para casos de emerxencia ou sobre a entrega nos próximos días dun novo vehículo de protección civil”.

O alcalde, Carlos Armesto, sinalou que se trata dunha agrupación de recente creación, pero que emerxe con forza contando con 28 voluntarios e 47 persoas en reserva, que aínda non fixeron os cursos necesarios, pero que xa se anotaron na agrupación.

Armesto agradece ao director e ao subdirector de Emerxencias a súa presenza no Saviñao onde puideron coñecer de primeira man “o labor que está a facer a Agrupación de Voluntarios de Protección Civil acreditado coa cantidade de servizos prestados ao longo do ano”.

A Xunta leva investidos máis de 56.600 euros no funcionamento da Agrupación de Voluntarios de Protección Civil do Saviñao e na dotación de material, entre o que se inclúe un desfibrilador, un remolque de emerxencias e un vehículo pick-up.