Nesta edición o locutor quirogués da TVG, Sergio Delpont, pronunciará o pregón que dará inicio a una fin de semana plagada de actividades. O evento está pensado para reunir xente de diferentes idades contando desde ludoteca para os máis pequenos, unha competición con “correpasillos” á clásica competición de minimotos para adultos.

O obxectivo da organización de A Curuxa foi sempre á de presentar ao público afeccionado ás motos esta zona de Galicia que conta con grandes atractivos turísticos como Serra do Courel e a Ribeira Sacra. Un obxectivo que consideran acadado polo cantidade de persoas que repiten na súa asistencia ao evento e que senta as bases para que o evento poda seguir crecendo.

Durante a fin de semana os visitantes poderán gozar nas estradas das paisaxes do Xeoparque “Montañas do Courel”. Non faltarán os concertos, capitaneados polo grupo Gin Toni´s o sábado á noite, onde o público tamén poderá desfrutar do dúo Soul and Roll e o grupo de música tradicional local “O Recanto”.

A tarde do sábado o espectáculo estará na rúa Real a cargo de dous dos mellores pilotos de Stunt Show de España: Narcís Roca e Emilio Zamora. Preinscricións en www.motoclubacuruxa.com onde tamén o público pode contribuir cunha donación a dúas asociacións do Courel que desenvolverán actividades de reconstrución da Serra tralos incendios desde verán.