O Concello de Folgoso do Courel vén de comunicar que se cancela a Feira de Seoane do Courel, evento que estaba programado para o 15 de outubro, por mor de que varias das novelas que ían participar na poxa deron positivo en probas sanitarias.

A programación incluía unha poxa de novelas de ACRUGA e estaba previsto que houbese postos de artesanía, plantas e sementes, postos de polbo e música en directo. Con este evento, o Concello de Folgoso do Courel busca recuperar as feiras tradicionais de antes e achegar xente ao territorio.