O campamento infantil de conciliación, que ten o prazo de inscrición aberto ata o 19 de decembro, desenvolverase entre os días 23 de decembro e 4 de xaneiro en horario de 09:30 a 13:30 horas. Destínase a nenos e nenas do concello de entre 6 e 12 anos e terá lugar de luns a venres.
A visita dos Reis Magos será no Centro Sociocultural de Bóveda o día 5 de xaneiro a partir das 17:00 horas. Os Reis Magos acudirán con agasallos para todos, previa inscrición antes do 3 de xaneiro.
A maiores, o Centro Sociocultural de Bóveda acolle este venres, 16 de decembro, ás 11:30 horas o acto de presentación e entrega de ‘Libros de Vida’, escritos polos usuarios e usuarias da residencia Domus Vi da localidade.
O sábado, 17 de decembro, ás 18:00 horas Xosé M. Casar presenta no Centro Sociocultural de Bóveda o seu libro de poesía ‘Pretiño do Mao’ e ás 19:00 horas Falcatrueiros Teatro pon en escena a comedia para todos os públicos ‘O clowncertazo’.
