A concesión supón a realización de mobilidades de todos os centros ós restantes institutos da agrupación durante este curso e o próximo polo alumnado de 2º ESO. O proxecto titulouse “Diversidad Medioambiental y uso sostenible del agua en nuestras comunidades”. As localidades anfitrionas están nas 4 esquinas de España e pertenecen a territorios con distintas necesidades dun recurso tan necesario como é a auga.

Acaban de realizar o primeiro encontro en Lanzarote, a onde o alumnado de Monforte levou un traballo sobre os ríos e cultivos da Ribeira Sacra e se fixo unha posta en común cos dos demais institutos. Recibiron información sobre a moita sede que se pasou en Lanzarote no pasado e como as maretas e alxibes foron imprescindibles para abastecerse ata que se instalou a primeira desalinizadora nos anos sesenta do pasado século, o que permitiu aumentar a produción agrícola e sobre todo o turismo que visita a illa desde aquela. Recibiron tamén explicacións de como funciona a ósmosis inversa e os principios físicos nos que se basea, e recorreron a illa comprobando como a utilización das cinsas volcánicas permite obter cultivos en lugares tan difíciles.

Aproveitaron para confraternizar cos dos outros centros e xuntos coñeceron os Jameos del Agua, Cueva de los Verdes, a Fundación César Manrique, Salinas de Janubio, El Golfo e Charco Verde, a Geria, o Parque Nacional do Timanfaya, montaron en camello, coñeceron a música popular lanzaroteña, a xogar á petanca e practicaron loita canaria, foron ó Cabildo insular, ó Xardín de Cactus…

“Unha viaxe tremendamente formativa na que crearon lazos que consolidarán na próxima viaxe a Cantabria a finais de marzo. No seguinte curso 2023/24 recorreremos a Murcia e remataremos coa recepción en Monforte dos alumnos dos 4 centros. É un proxecto que estamos seguros será inolvidable para todos os participantes”, sinalan desde o IES Río Cabe.

IES A Pinguela en Lanzarote / IES A PInguela