A proba absoluta correrase sobre un circuíto de asfalto e sendeiros de area de cinco quilómetros de lonxitude, mesturando zona urbana e natureza, e con apenas desnivel. A saída situarase no bulevar da rúa da Liberdade, á altura de Catro Camiños en dirección a Samos, para despois xirar á dereita pola rúa Castelao e, no cuartel da Garda Civil, seguir cara Ponte das Aceas, para logo volver pola zona do campo de fútbol ata a estrada de Monforte. Desde alí, voltarase de novo á rúa Castelao, seguirase cara ao pavillón, a piscina e cruzarase a zona do Hotel Alfonso IX ata atopar a meta no Malecón.
A inscrición é de balde e poderá realizarse ata o día 9 de marzo a través das páxinas web www.championchipnorte.com e www.sarriacorre.com. Os/as primeiros/as 500 inscritos recibirán como agasallo unha camiseta técnica coa imaxe do evento.
Na modalidade de 5K recibirán un trofeo os/as tres primeiros/as clasificados/as masculino e feminino dos seguintes grupos: Junior (12 a 15 anos), Promesa (16 a 19 anos), Sénior (20 a 34 anos), Máster 1 (35 a 44 anos), Máster 2 (45 a 54 anos), Máster 3 (55 a 64 anos) e Máster 4 (de 65 anos en adiante)
