Lamentan desde a Plataforma que se implantase o sistema SIGAP/XIDE no centro de Saúde de Monforte “sen previo aviso e sen formación específica máis que un escaso manual de uso.” Aseguran que este proceso “provoca unha sobrecarga nas funcións deste persoal, ademáis da incomodidade do paciente pola perda de intimidade e confidencialidade, o aumento das colas e desorganización nos postos de citación, e a sensación de intrusismo dos PSX en competencias que normalmente pertencen a profesionais sanitarias, xa que non deixa de ser unha forma de priorizar os doentes segundo a súa enfermidade, algo para o cal non teñen formación.

Segundo Pladesapu a única forma de evitar este proceso é a citación a través da aplicación no E- Saúde, “pero nunha poboación tan envellecida como a nosa, esa opción é pouco viable, provocando deste xeito o malestar e incluso protestas que van dirixidas sempre cara os profesionais que están en primeira liña, sendo eles uns dos maiores perxudicados por esta implantación”.