A decisión adóptase á vista da sentenza do Tribunal Superior de Xustiza de Galicia (TSXG) de data do 20 de setembro de 2021 que anula a revisión catastral que se realizou no municipio de Sarria. Un ditame xudicial que afecta a un inmoble e aos que se encontraban na mesma situación.

José Tomé explica que “o Concello de Sarria ten cedida a xestión do cobro dos seus impostos nos servizos económicos da Deputación, séndolle ingresado na conta da entidade local o diñeiro recadado, dado que os impostos son os que libremente decide aprobar a Corporación sarriana.”

Desta forma, aínda que o Concello non solicitou o reintegro das liquidacións, o Presidente tomou a iniciativa “por ser de xustiza que aos veciños e veciñas se lles devolva o que pagaron no seu día polo Imposto de Bens Inmobles da revisión catastral anulada polo TSXG”. A institución tramitará a devolución de en torno a 6.000 liquidacións por un importe de arredor de 1.200.000€.