A asociación veciñal asegura que esta situación agrávase coa circulación de vehículos de grande tonelaxe, “camións de gando, de pienso, forestais, de reparto, de leite e de asfalto que transitan por esta rúa para atravesar Escairón.” Lembran tamén a presenza desta do colexio nesta rúa, o que engade presión ó tránsito rodado.

Nesta situación piden ao concello establecer aparcamento alternativo por quincenas en cada unha das beiras da rúa, “tal e como está ordenado e funciona na Avenida Buenos Aires.” Tamén propoñen o desvío dos camións de grande tonelaxe polas estradas de circunvalación, que ofrecen diversas alternativas, para evitar o tránsito polo centro de Escairón e desconxestionar así a circulación.