“Aquí non pasa nada. Historias musicais de Lugo” é unha publicación que recolle a historia da creación musical na cidade e na provincia deténdose en músicos, bandas, locais e festivais que protagonizaron a vida musical de Lugo nas últimas décadas.

A presentación, ás 20.00 horas na casa da cultura,  contará coa actuación do grupo sarriao, Malditos Roedores, formado por Olalla Losada, Noelia González e Nerea Iglesias, nas voces, e Borja López, na guitara. Formando parte da escena musical dende fai anos, o grupo ofrece un repertorio de versións do máis ecléctico, indo dende o soul de Stevie Wonder á canción brasileira ou popular galega.

O acto forma parte dunha xira de presentacións concerto promovidas desde a Vicepresidencia da Deputación de Lugo para contribuír a difusión da publicación e apoiar a músicos e grupos locais. Lugo, Foz e Vilalba foron as primeiras paradas. Chantada e Monforte de Lemos darán continuidade a este ciclo co que se programan actuacións de grupos locais de referencia en cada comarca:

• 5 de maio en Chantada. Auditorio Municipal de 20.00 a 21.00. Actuación Tirapralá
• 6 de maio en Monforte de Lemos. Ateneo Casino. 13.00 a 14.00. Set acústico Gin Tonic ́s