Pladesapu asegura que dende a xerencia xustifican este peche cunha disminución da actividade asistencial durante o período estival, pero consideran que ese argumento ten varios fallos; “en todo caso o que diminúe é a actividade quirúrxica programada, polo cal só tería sentido que pechasen as plantas quirúrxicas, e por todos é sabido o importante incremento de poboación que sofre a nosa comarca durante o verán, o que é directamente proporcional ó uso dos recursos sanitarios.”

Desde Pladesapu cren que o peche débese a outras causas, “como a de distribuir o persoal do servizo pechado por outras áreas do hospital, aforrando así os custes de contratar a máis persoal e perpetuando a precariedade laboral pola que é famosa España en xeral, e o Sergas en particular. Ademáis, a sobrecarga asistencial que hai no resto das plantas de hospitalización acaba repercutindo no paciente, con tempos de espera máis longos á hora de ser atendido, e cun persoal sanitario sobrecargado.”

Dende a Plataforma piden ó Sergas que aporte datos que demostren que realmente sae rendible pechar unha planta de hospitalización no verán, “deixando a un hospital co 20% das súas camas inutilizadas, e un persoal exhausto debido a sobrecarga asistencial.”