HomeCulturaO Son da Aldea, festival cultural de Toldaos, celebra a súa segunda...

O Son da Aldea, festival cultural de Toldaos, celebra a súa segunda edición os días 23 e 24 de xuño

Proxeccións concertos, contacontos ou teatro serán as actividades protagonistas destes dous días en Toldaos, no concello de Pantón.

Publicado o

POR
Redacción
- Advertisement -

O Son Da Aldea é un minifestival multicultural íntegramente en galego e de balde. “Pensamos que a cultura ten que chegar ao rinconciño máis pequeniño e para todo o mundo. Non somos unha festa de aldea, pretendemos ser un escaparate da nosa cultura. Amosar o estado ruinoso do rural o problema demográfico do noso concello”, sinala Javier Goyanes, presidente da asociación veciñal As Candelas de San Xoan de Toldaos.

O día 23 na adega do campo do adrio ás 21.00 proxectarase “O último de Arganeo” con posterior charla coloquio. Na xornada do día 24 comezarase ás 17.30 cun concerto do grupo Alendalúa nas pedras das mouras. Ás 18.45 na dega do campo do adrio haberá contacontos con Anxo Moure. Ás 19.50 na zona do festival haberá teatro a cargo da asociación de veciños de Cereixa e as actuacións musicais comezarán as 21.00 con Rhome, Cerodouscero, Os Parentes, Cmirago e Tecor Societario.

As actividades son de balde e están abertas a todos as persoas interesadas, “Queremos poñer o noso graiño de area para a dinamización do berce da nosa civilización da nosa cultura. Para saber onde queremos ir temos que coñecer de onde vimos. Achegar a xente nova o rural e que vexan que tamén hai vida e inquietudes fora das vilas”, conclúen desde a asociación promotora.

ÚLTIMAS

“O Son da Serra, cando O Courel derramou bágoas de cinsa” proxéctase este 19 de novembro no Multiusos de Samos

O Son da Serra, Cando O Courel derramou bágoas de cinsa é o filme...

Chantada humanizará co plan HURBE a conexión entre a rúa Doutor Fleming e a Avenida de Lugo

O alcalde de Chantada, Manuel Lorenzo Varela e a Conselleira de Vivenda e Planificación...

Inscricións abertas ata o 9 de decembro para participar no Mercado de Nadal de Monforte

O prazo para presentar as solicitudes estará aberto desde este mércores, 18 de novembro,...

O PP de Monforte non participará nos actos municipais do 25N

Os concelleiros do Grupo Municipal do PP de Monforte anuncian que non participarán nos...