Con motivo do fin de curso, o alumando do CEIP Rosalía de Castro visitou este mércores o Concello de Bóveda, onde foron recibidos polo alcalde, José Manuel Arias e pola concelleira de Cultura e Educación, Cristina Juíz. Tamén os acompañou na visita como mestra, a concelleira, Natividad Rodríguez.

Os nenos e nenas foron camiñando desde o centro de ensino ata o concello de Bóveda, onde coñeceron as instalacións e o salón de plenos. Unha vez alí faláronlles do funcionamento da administración local e da composición do equipo de goberno. Tamén viron un traballo audiovisual sobre o concello e aproveitaron para xogar na Praza da Filgueira antes de volver ao colexio.