O venres 8 de setembro celebrouse a tradicional procesión na que a Virxe dos Remedios, a ombros de varias mulleres vestidas co traxe típico galego, percorre as rúas da Ermida ata chegar á Igrexa. Nesta ocasión o percorrido foi máis curto do habitual por mor da treboada que viría seguida dunha forte tromba de auga que obrigou a acurtar o traxecto da procesión para chegar coa Virxe ao resgardo da Igrexa.
Ao longo da mañá oficiáronse varias misas, pero foi na das 13:00 h. cando sairía a procesión, na que sairon abrindo paso como é tradición, as emblemáticas figuras do Meco e as Pampórnigas.
Na sesión vermú estivo a banda de Acordeóns o Folión Xograres de Lemos e pola tarde e noite o protagonismo musical correu a cargo da Orquestra Compostela.
Este sábado día 9 oficiaranse novamente misas ás 9:30 da mañá, ás 11:00 e ás 13:00 h. sendo nesta última cando teña lugar a procesión coa Virxe dos Remedios acompañada do Meco e as Pampórnigas. A música durante toda esta xornada correrá a cargo do grupo Talismán e a Disco móbil Eme Music.
