O concello de Quiroga abriu o prazo para solicitar as axudas anuais que se conceden aos estudantes menores de 25 anos, dependentes economicamente, que cursan ensinanzas superiores fóra do termo municipal de Quiroga.

Son gastos subvencionables a matrícula educativa, a compra de libros de texto ou material escolar, o alugueiro de vivendas ou os gastos de transporte, sempre que figuren a nome do estudante que solicita a achega económica.

A solicitude deberá ir acompañada dunha fotocopia do DNI e do certificado de matrícula expedido polo centro educativo ou resgardo de ter pagada a matrícula. As contías que poderán percibir os solicitantes que cumpran os requisitos irán en función do número de solicitantes, entre os que se repartirá o orzamento consignado na partida para este fin. Unha vez rematado o prazo de presentación de solicitudes comunicarase aos interesados a concesión da axuda que terán que xustificar mediante a presentación de facturas ou recibos que xustifiquen o gasto para o que se solicita a subvención.