O martes 12 de decembro aprobouse na Deputación de Lugo a listaxe de asociacións beneficiadas co Programa para a Dotación e Mellora de Servizos Comunitarios, unha liña de axudas de concorrencia competitiva que convocou neste 2023 o organismo provincial por terceiro ano consecutivo. O obxectivo das achegas foi colaborar economicamente en obras que melloran a calidade de vida da veciñanza do rural e fomentan o asociacionismo controbuíndo a fixar poboación.
Grazas a este programa, as entidades beneficiarias –asociacións, agrupacións veciñais, comunidades de usuarios e usuarias de augas, comunidades de montes ou asociacións de gandeiros, agricultores ou produtores forestais– recibirán entre 1.000 e 6.000€ cada unha para acometer actuacións de interese comunitario. Estos traballos foron, por exemplo, arranxos do firme en camiños e accesos, rehabilitación de fontes, reparacións en lavadoiros ou sistemas de abastecemento, acondicionamento de locais sociais e compra de mobiliario, obras de humanización e accesibilidade, reparación de equipamento ou colocación de valados.
ASOCIACIÓNS BENEFICIADAS NO SUR DE LUGO
O INCIO
-Monte Veciñal de Vilademouros. Reparación e equipamento do Centro Social. Concedéronselle 6.000 euros.
-Monte Veciñal Cervela. Mellora dunha pista con 6.000 euros.
-Asociación Veciñal e Cultural Ruta do Ferro. Mellora do firme de camiño de acceso A Ferrería. 6.000 euros.
CHANTADA
-Monte Veciñal Faro de Requeixo. Acondicionamento e mellora da accesibilidade á zona da Ermita do Faro. 5.743,19 euros.
SARRIA
-Monte Veciñal Goián. Mellora do firme de camiños nos núcleos de Goián, Vilalence e Cabezares. 5.700 euros.
QUIROGA
-Asociación Veciñal Ponte Soldón. Arranxo Área Recreativa. 6.000 euros.
-Asociación Veciñal Santa Mariña de Sequeiros. Aranxo de camiño nunha 2ª fase. Beneficiados con 6.000 euros.
-Asociación Veciñal de Parteme. Acondicionamento e recuperación de espazo público. 6.000 euros.
-Asociación Veciñal Sociocultural e Medioambiental Veciños de Bendilló. Obras menores no primeiro andar do Centro Sociocultural. 6.000 euros.
O PÁRAMO
-Asociación Veciñal San Xoán de Friolfe. Valado do Campo da Festa de Friolfe. 6.000 euros.
-Monte Veciñal O Faro (Friolfe). Acondicionamento de Área de descanso ‘Tras da Devesa’. 6.000 euros.
PANTÓN
-Comunidade de usuarios Frontón, Outeiro e Lendoiro. Renovación sistema potabilización en depósito. 3.900 euros.
TABOADA
-Asociación Cultural e Veciñal Santiago de Cicillón. Ampliación do local social. 6.000 euros.
-Asociación Veciñal de Santiafo de Sobrecedo. Acondicionamento de accesos e fontes. 6.000 euros.
-Asociación Cultural e de Veciños Castro Celta. Acondicionamento local social. 5.985 euros.
TRIACASTELA
-Comunidade de Veciños de Teixo, Lagua e Castiñeiro José Horacio Rio Lago. Formigonado do Camiño Castiñeiro Vilabella. 6.000 euros.
A POBRA DO BROLLÓN
-Monte Veciñal Pico do Moroto. Acondicionamento muro de cemiterio e beirarrúa. 6.000 euros.
