Dende o Grupo Municipal Popular de Monforte aseguran que consideran fundamental apostar polo desenvolvemento cultural da cidade, e cren que “a biblioteca municipal é un recurso vital para o acceso á información e para a aprendizaxe dos nosos veciños”.
Recordan os populares que en outubro de 2021 xa se defendeu unha moción para a mellora e ampliación de espazos para o estudo e que se incluíse nos orzamentos de 2022 unha partida orzamentaria suficiente para efectuar as melloras que fosen necesarias. E aseguran que as únicas partidas destinadas polo goberno de José Tomé foron:
- 37.0000€ en 2022 para equipos informáticos, mobiliario e estanterías
- 32.000€ en 2023 para mercar libros, mobiliario e reforma da biblioteca
“Vemos como as cantidades que se destinaron nos últimos anos non son suficientes e non serviron para mellorar estas instalacións. Son numerosas as queixas de usuarios, dende opositores a rapaces de instituto pasando por lectores de prensa ou libros, todos testemuñas do estado de abandono no que se atopa a casa da cultura”, destaca Varela.
Entre as actuacións que defenderán os populares están a mellora do salón de actos, a insonorización da sala de lectura, que tamén se debería separar da zona de estudo e tránsito de persoas ou a uns horarios flexibles, sobre todo en épocas de exames.
