O libro aborda o Folión de Carros de finais do século XIX e boa parte do século XX a través das referencias que aparecen na prensa histórica local e rexional. Na súas páxinas recompílanse unha boa parte dos programas e crónicas das festas de Chantada, nos anos que se celebrou Folión de Carros, desde 1877 a 1964. Pódense encontrar, por tanto, como eran as festas daquela, nomes das persoas que formaban as comisións de festa, números e celebracións que nin sequera imaxinamos puideran existir en Chantada, etc.

Folión 1971 3º premio

Coméntanse tamén aspectos sobre as orixes do Folión de Carros de Chantada, para intentar desmontar a crenza infundada da súa orixe urbana e medieval, afirmación sostida reiterativamente nalgunha prensa recente. Esta análise inicial relaciona este Folión con outros Folión da zona, algúns deles desaparecidos, como é o caso dos Folións con Carros que se celebraron en Monforte no século XIX. Recoñécese tamén a tres intelectuais chantadinos como impulsores e divulgadores do valor cultural do Folión de Carros por medio da creación literaria e xornalística: José Costa Figueiras, Xesús Fernández González e Ánxel Gómez Montero.