Hai xeitos e xeitos de comezar o programa de festas pero na aldea de Vilaster, no sur do Concello de Quiroga, decidiron hai uns anos facer un concurso de tortillas para seguidamente, coñecidos os gañadores e gañadoras, dar conta delas nunha pancetada popular.
A edición deste ano,celebrada este venres 16 de agosto, estivo moi competida e presentáronse un total de 11 tortillas e xa se coñecen as persoas premiadas.
O primeiro premio foi para Charo Mondelo, o segundo para Tere Mondelo (ambas de Vilaster), e o terceiroMiguel Basante (de Carracedelo do Bierzo). Segundo nos explica Pili da Asociación de Veciños/as de Vilaster “a tortilla gañadora levaba pataca, cebola e un pouco de pemento verde”.
A continuación do veredicto, as tortillas formaron parte do acompañamento á panceta que se cociñou para os presentes a carón da Igrexa.
PROGRAMA PARA 17 E 18 DE AGOSTO
Este 17 de agosto ás 14:00 h. terá lugar a procesión e Santa Misa na honra da “Nosa Señora da 0” e seguidamente sesión vermú e baile.
A partir das 19:00 h. baile amenizado poa Ana Angueira, e para rematar, dende a 1:00 h. actuación da Nova Orquestra de Vilaster e chocolatada.
Para o domingo 18 procesión ás 12:30 h. e Santa Misa na honra á “Nosa Señora da O” e, en palabras da comisión de festas, “sesión vermú para valentes”.
