O “I concurso fotográfico de Nadal de Segredos de Pantón” comezou o 30 de novembro podendo participar ata o 30 de decembro. Neste período poderanse enviar fotografías de lugares da contorna nos que se aprecien paisaxes outonais e invernais da contorna.
Toda a xente que desexe participar deberá enviar as súas imaxes por correo electrónico ao correo segredosdepanton@gmail.com ou por whatsapp ao número 662 669 223 indicando o título da fotografía, o lugar onde foi tomada e o nome da parroquia á que pertence.
Entre o 31 de decembro e o 6 de xaneiro os organizadores crearán un álbum de fotos na súa páxina de Facebook para que os seguidores poidan votar a que máis lle guste dándolle a “gústame”. O día 6 de xaneiro ás 17.00 h. faranse públicas as 3 imaxes que resulten gañadoras do concurso.
O premio para a foto máis votada será unha estancia para 2 persoas na Rectoral de Castillón, o autor da segunda clasificada levará unha cesta de produtos de Pantón xentileza de varias casas comerciais da zona e o terceiro clasificado terá como obsequio un circuíto termal no Balneario Oca Augas Santas.
