O pleno decidiu por unha banda solicitar unha modificación de prego de condicións en canto o rendemento máximo de kg por hectárea en variedades tintas pasando dos 9500 kg por hectárea actuais a 7500 kg/h.. Esta aprobación remitiráselle a Consellería de Medio Rural para a súa tramitación diante do Ministerio de Agricultura, co obxectivo de modificar o prego de condicións. Esta mediada entrará en vigor para a colleita 2025. Este acordo é en verbas do presidente, Antonio Lombardía Crespo, “un punto de inflexión dentro da estratexia de maximizar a calidade dos nosos viños para poder situalos unha gama de prezos que fagan posible convertir as explotacións vitícolas en rendibles asegurado así a continuidade da viticultura heroica”. O mantemento dos rendementos nas variedades brancas pode facer mais atractivo o sobreinxertado a estas variedades en zonas chas mais óptimas para elas, reducindo a cantidade de uvas tintas na DO e axudando de este xeito a preservar as viñas de variedades tintas e socalcos.

Aprobouse a limitación de novas plantacións co obxectivo de que non se aumente o viñedo en cha, e priorizar a ribeira como eixe de identidade. Nas zonas de bancais só se deixara inscribir novas plantacións en zonas que foran zonas de viñedo tradicional.

Por último instarase á Consellería de Medio Rural a solicitar a colleita en verde para a campaña 2025. “De aprobarse esta medida creemos que pode ser útil a calquera viticultor que o ano que ven non consiga un contrato de compravenda. O importe da axuda é do 50 % da produción e do coste de eliminación do acio que unido a axuda de mantemento da paisaxe, e tendo en conta que non se incorren en gastos de vendima, redúcese moito o traballo e o gasto en tratamentos é menor pode ser unha opción moi atractiva para aqueles viticultores que non atopen comprador mentres non se da axustado oferta e demanda”, explica Lombardía.