O Ucoga CB Chantada, adestrado por Alberto Fafián, gañou o seu primeiro encontro oficial da tempada cunha victoria contra o Bosco Salesianos Ourense (55-69) apoiada pola gran defensa do equipo e a anotación do base Eddie Czerapowicz, autor de 23 puntos .
Aportando puntos tamén destacaron Gediminas Rumsa (11 puntos), Anxo Casais (10), William Burgos (8), o capitán Cristian Iglesias (5), Seikhou Konte (4), Éder Giovane (3), Jaime Nieto (3) e Mario Rodríguez (2). Todos os xogadores do cadro chantadés tiveron minutos de xogo.
Co triunfo en Ourense, o CB Chantada colócase líder do Grupo A da fase de grupos da Copa Galicia, por diante do Sigaltec de Vilagarcía, que tamén gañou o seu primeiro partido ante o Ulla Oil Rosalía, aínda que cunha diferenza de puntos menor.
O seguinte compromiso do Ucoga CB Chantada nesta competición levaraos precisamente a Vilagarcía, onde se medirán ao Sigaltec esta fin de semana para loitar polo liderado do grupo.
