A CIG convoca para o 10 de marzo ás 20:00 horas unha concentración na Praza de España de Monforte con motivo do Día da Clase Obreira Galega, unha xornada de lembranza e reivindicación da loita da clase traballadora en Galiza.

A concentración pretende poñer o foco na situación actual da clase traballadora, “marcada pola precariedade laboral, os baixos salarios, o aumento do custo da vida e as dificultades para que moitas persoas, especialmente a mocidade, poidan desenvolver un proxecto de vida digno na súa propia terra”.

Desde a organización fan un chamamento á participación da cidadanía para “defender o traballo digno, os dereitos laborais e un futuro con máis xustiza social para Galiza”. E convocan á veciñanza da comarca a participar nesta “xornada de memoria, reivindicación e mobilización”.