Os concertos comezan ás 19.30 pero o ambiente festivo respirarase desde o mediodía coa sesión vermú, animada pola Charanga Bicoia. e o xantar popular na carballeira, onde haberá tamén un espazo para xogos infantís. A organización habilitará tamén unha zona de caravanas e acampada.
O vicepresidente da Deputacíon de Lugo Efrén Castro, a deputada de Cultura Iria Castro, o alcalde do Incio Héctor Corujo e Luis Valcárcel, responsable da organización, presentaron o cartel do festival, no que destacan as actuacións de Lamatumbá, Xose Lois Romero&Aliboria e Calle Mambo.
A colaboración co festival Terra Brava encádrase na rede de apoio que a Vicepresidencia da Deputación de Lugo ofrece a festivais promovidos polo tecido asociativo para fomentar a presenza da música galega e en galego en eventos musicais por todo o territorio da provincia.
