O Concello de Monforte informa á veciñanza que a Escola de Danza Municipal comezará o curso o vindeiro venres, 16 de outubro de 2026, e as actividades impartiranse no Centro Cívico, no Paseo do Malecón s/n. Para realizar a inscrición, as persoas interesadas deberán tramitar a solicitude a través da oficina de Rexistro do Concello ou na Sede Electrónica.

Especialidades que se ofertan: Ballet clásico (a partir de 5 anos), danza contemporánea (a partir de 10 anos) e hip hop (a partir de 10 anos).

As clases da Escola de Danza céntranse nunha didáctica máis académica baseadas nas técnicas do desenvolvemento da estabilidade, a rotación, a liña ou a expresión, entre outras, atendendo aos principios básicos imprescindibles para unha correcta aprendizaxe. Se é o caso, a orientación encamíñase cara un ensino de carácter profesional cando as aptitudes e a vocación do alumno ou alumna así o aconsellen.