Os candidatos do PP puxeron en valor a importancia de que este produto estea avalado por un selo oficial de calidade, comprometéndose a intensificar os contactos, de conseguir responsabilidades de Goberno, para que o Ministerio de Agricultura traslade, na maior brevidade, esta concesión á Comisión Europea.

Das súas 2,5 hectáreas, situadas en Bendollo, no Concello de Quiroga, saen uns 2.000 litros de Aceiroga; un aceite único polas súas propiedades e que está elaborado 100% con oliva propia.

Segundo os últimos rexistros, en cada campaña comercialízanse aproximadamente 5.000 litros de aceite procedentes das oliveiras de Quiroga e Ribas de Sil, case a oitava parte da produción total desta comarca.