A celebración do Folión de Carros deste ano comezou cun susto. Os animais que tiraban do primeiro carro participante soltáronse e escaparon cando ía comezar o desfile. O percance, no que resultaron feridos leves dous policías, fixo que se viviran momentos de tensión, pero sen ter que lamentar máis danos. Tamén provocou que o inicio do desfile se retrasase unha hora.
A Asociación Animalista Libera cre que a situación vivida constata a necesidade de suprimir o uso de animais nesta actividade e sustituilos por tractores, como ten plantexado o colectivo noutras ocasións.
Segundo os animalistas para rememorar unha tradición histórica non é imprescindible usar animais e apostan por manter ditas tradicións, pero adaptándoas aos tempos actuais. Consideran inconcibible usar animais habendo alternartivas mecánicas como os tractores.
Libera califica de pantomima as pautas sobre benestar animal que a organización publica no marco dun suposto plan de autoprotección que entenden se evindenciou inútil. Desde a asociación pregúntanse que tería pasado se os bois saisen en estampida pola rúa principal de Chantada e volven a plantexar como alternativa o mecanizar os carros.
