HomeEconomíaAs mellores oportunidades e produtos da Comarca na Feira do Viño de...

As mellores oportunidades e produtos da Comarca na Feira do Viño de Chantada

Os días 4 e 5 de xuño celebraranse a XIII edición da Feira de Oportunidades e a XII edición da mostra de Artesanía e Produtos da Comarca. Os descontos poden chegar nalgún caso ao 70 %.

Publicado o

- Advertisement -

Conta atrás para a 39ª Feira do Viño de Chantada, un encontro vitininícola moi esperado cada ano para o sector pero tamén para o comercio chantadino. O paso de milleiros de persoas, moitas delas forasteiras, pola mostra durante esta fin de semana achega unha importante inxección económica aos negocios locais que non é para desaproveitar.

Neste senso, a Asociación de Empresarios de Chantada e CCA Ribeira Sacra organiza de novo a Feira de Oportunidades e a Feira de Produtos da Comarca e Artesanía, encontro comercial que terá lugar os días 4 e 5 de xuño. “Queremos aproveitar o tirón da feira do viño e, aínda que este ano non se fai no mes de marzo como é habitual, é bo estar presentes para manter a continuidade”, dinos Verónica Gayoso, xerente da asociación.

As carpas que acollerán as respectivas feiras estarán ubicadas na Avenida de Monforte e abrirán o sábado e o domingo a partir das 10:00 h. e en horario continuo ata as 21:30 h.

No primeiro tramo da carpa estará a Feira des Oportunidades na que haberá unha representación de comercios locais asociados que ofrecerán importantes descontos en roupa, calzado, decoración, etc con descontos que nalgún caso poden chegar ao 70%.

No que respecta ao segundo tramo, estará a Artesanía e Produtos da Comarca con artesáns de diferentes especialidades: bixutería, madeira, coiro, xoguetes, instrumentos… e unha importante representación de produtos de alimentación locais. Representados nun stand conxunto que leva Mar & Bellota Gourmet poderanse degustar e mercar produtos chantadinos das empresas Airas Moniz (queixos), Daveiga (Galletas Mariñeiras), Auga Vella (licores), Cafés Penela, Queixos da Josefa e Castañas Naiciña. Tamén estará con posto propio Casa Baltar (doce de leite).

Posto da Feira de Artesanía. Foto: CCA Ribeira Sacra
Airas Moniz, presentes na Feira de Produtos da Comarca. Foto cedida Asoc.

Representando aos veciños de Carballedo estarán Mel de Liaxes e Maura Falconi (artesá de madeira); e por Taboada contarase coa presenza das Xianas (galletas) e Xeou! (xeados artesáns).

Dende a Asociación de Empresarios de Chantada e CCA Ribeira Sacra convidan a achegarse por Chantada e lembran que haberá obradoiros e ocioteca de balde para os cativos e cativas a cargo do colectivo local Velaísca. Faranse na Casa da Música, serán para maiores de 3 anos e os horarios para os días 4 e 5 de xuño son os seguintes: de 12:00 a 14:00 h. pola mañá, e de 16:00 a 20:00 h. pola tarde.

Así mesmo, dende a asociación agradecen a colaboración do Concello de Chantada e a cofinanciación da Feira de Oportunidades pola Xunta de Galicia.

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...