Comezan as Festas de Chantada e farano cunha gala moi especial pensada para os máis pequenos: “Legado do Tibu”. Será ás 19:00 h. con xogos e música na Praza de Santa Ana.
A partires das 22:30 h., a Praza do Pavillón Municipal acollerá unha gran noite de música cos concertos dos grupos locais Tiam GZ e Rastreros e unha sesión de DJs espectacular. Dende ás 00.00 h. pincharán Andy Grape, Dj Son1c, Marcos Magan, Dj David Expósito e a Disco movil IMPACTO.
MÚSICA, FOLIÓN DE CARROS, FESTA DA EMPANADA, ORQUESTRAS…
O sábado 27 ademais de música tradicional con desfile de cabezudos, terá lugar o pregón a cargo do xornalista e profesor Luis González Tosar na Praza de Galicia despois do Folión de Carros. Rematará a noite co concerto de Treixadura.
Para o domingo 28 de agosto música de rúa e XXXI Certame de Bandas de Música na Praza do Cantón. Actuarán a Banda de Música de Chantada, a Banda Filarmónica de Lugo e a Agrupación Musical de Limia. Pola noite, verbena coas orquestras París de Noia e Tango.
O luns 29 máis música de rúa, actuación da Banda de Silleda, festa infantil con inchables e fogos artificiais. Pola noite, verbena con La Fórmula e Grupo Assia.
E como remate aos festexos, o martes 30 terá lugar a Festa da Empanada no Campo do San Lucas e pola noite fin de festa espectacular coas orquestras Panorama e Os Satélites.
