Sarria acollerá os días 3 e 4 de xuño unhas xornadas sobre a relación entre a intelixencia artificial e o dereito, que será abordada desde distintas perspectivas por persoas expertas no ámbito xurídico e das novas tecnoloxías.
A incorporación da intelixencia artificial á xustiza é o tema elixido para protagonizar as XV Xornadas Xurídicas de Sarria ‘Román García Varela’, que se celebrarán na Casa da Cultura o vindeiro venres e sábado.
O vicepresidente do Tribunal Constitucional, Juan Antonio Xiol Ríos, abrirá as xornadas cunha conferencia inaugural que dará paso a dous días nas que terán lugar mesas redondas para analizar cuestións como a biometría no proceso de investigación criminal, a propiedade intelectual das obras creadas por intelixencia artificial ou o cibercrimen.
Baixo a dirección do letrado da Administración de Xustiza Román García-Varela Iglesias e polo catedrático de Dereito Mercantil e avogado Carlos Lema Devesa, estarán en Sarria maxistrados do Supremo e da Audiencia Nacional ou o fiscal xefe de extradición en Reino Unido.
Os promotores destas xornadas, creadas en 2007 polo magisrado Román García Varela –falecido en 2013–, pretenden que o foro analice o desafío que implica para o mundo xurídico o uso da intelixencia artifical e a súa potencial aplicación.
Pódese acceder ao programa completo das xornadas dende a web do Concello de Sarria.
SEGUIMENTO POR STREAMING
O Servizo de Audiovisuais da Deputación Provincial de Lugo, retransmitirá as sesións na canle de Youtube da Deputación de Lugo, de tal forma que todo aquel que o desexe poderá seguilas en directo. Estas son as ligazons das retransmisión:
