HomeComarca de SarriaSobreseída a causa contra o alcalde de Láncara, acusado de acoso a...

Sobreseída a causa contra o alcalde de Láncara, acusado de acoso a unha traballadora do SAF

Publicado o

- Advertisement -

O Xulgado de Instrución Nº1 de Sarria decretou o sobresemento provisional da causa aberta contra, entre outros, o alcalde de Láncara, Darío Piñeiro, por un presunto delito de acoso cara a unha traballadora do Servizo de Axuda non Fogar (SAF).

Tal e como se recolle no auto, considera a xuíza que “non aparece debidamente xustificada a perpetración do delito que deu motivo á formación da causa”. Co sobresemento, arquívanse as actuacións. A vítima ten agora tres días desde a notificación do sobresemento para impugnala, mediante a interposición dun recurso de reforma e subsidiario de apelación.

En xuño de 2022, transcendía que unha traballadora do SAF denunciara ao alcalde do municipio e a outro traballador do Concello por uns feitos que terían lugar en maio, cando a muller colleu unha baixa laboral. A partir dese momento, denunciou, o alcalde e/ou outros empregados municipais comezaron a seguila, mesmo ao Ceip da Pobra de San Xiao, onde colabora co servizo de comedor.

O alcalde facía público entón un comunicado no que aseguraba que dada a situación de baixa da muller dun servizo que “se sufraga con fondos públicos”, “tratou de pescudar, como é a súa responsabilidade”, se a súa colaboración no comedor escolar supuña unha “irregularidade”, pero asegura que a denuncia “era completamente falsa”.

O rexedor compartía ademais publicamente algúns datos da comparecencia ante a Garda Civil dun dos empregados municipais acusados pola traballadora para “presentar probas” de que o día dos feitos estaba en Sanxenxo (Pontevedra) xunto á súa familia. O empregado achegou a factura dun hotel e unha captura de Google Maps na que se mostra parte do seu percorrido o día de autos.

ÚLTIMAS

Arrinque exitoso de inscricións no Quiroga Trail Challenge 2026

O pasado 13 de outubro abríronse as inscricións para unha nova edición do Quiroga...

A entidade AGORA presenta a reforma do aseo do seu Centro de Atención Diurna

Co fin de  mellorar as súas instalacións e que as mesmas sexan un referente...

O PP de Monforte presenta unha moción para mellorar a seguridade da estrada provincial en Piñeira

A voceira popular, Katy Varela, explica que os traballos realizados non contemplaron o aumento...

O (Re)encontro: entrando na Xeración Lugo da Rede Museística e nun modelo de xestión que democratiza a cultura e o acceso a ela

A xerente da Rede Museística Provincial de Lugo (RMPL), Encarna Lago, advirte ao respecto...