O ‘Tapicheo 2023’ comeza a súa conta atrás, tendo previsto o seu desenvolvento na ponte de decembro, entre os días 5 e 9 de decembro. Os locais que desexen participar deberán ingresar unha cota de inscrición de 30 euros na conta de ABANCA ES94 2080 0143 3231 1000 0072, indicando no concepto a palabra “Tapicheo” seguida do nome do establecemento. Ademais, deberán aboar outros 30 euros adicionais na axencia Halcón Viaxes situada na Rúa Diego Pazos, número 32, como contribución para a viaxe que se sorteará entre os participantes que presenten as súas tarxetas seladas por un mínimo de 15 establecementos.
Unha vez realizados ambos pagamentos, os establecementos deberán presentar no Rexistro Xeral do Concello ou a través da sede electrónica o formulario de inscrición que se pode atopar na páxina web do concello.
Nesta edición, a organización determinou que o horario mínimo de servizo das tapas entre os días 5 e 9 de decembro será de 20.00 a 23.00 horas e que o prezo por unidade deberá custar entre os 2 e os 3 euros.
