InicioCulturaBatman chega a Monforte da man do FanCine de Lemos

Batman chega a Monforte da man do FanCine de Lemos

Unha exposición sobre o heroe de DC será unha das actividades que oferte a nova edición do FanCine de Lemos.

Publicado o

- Advertisement -

A VII Edición do FanCine de Lemos terá lugar os días 25, 26, 27 e 28 de xullo en Monforte. No festival terase moi presente a figura de Batman, xa que este ano celébrase o 80 aniversario desta personaxe de DC. Deste xeito, haberá unha exposición arredor deste heroe, que protagoniza o cartel do evento.

Cartaz do FanCine de Lemos 2019 / Cedida

Proxectarase unha mostra de catro películas, vinte curtametraxes en concurso e os traballos audiovisuais escolares do FantaFesti. Ademais, haberá unha conferencia sobre creación audiovisual, entre outras moitas actividades.

A inauguración do FanCine será o xoves día 25 no Parque dos Condes e contará cunha presencia especial: o actor Javier Botet recibirá o Premio Honorífico 2019 pola súa traxectoria no cine de terror e de ciencia fición. Botet é recoñecido internacionalmente por interpretar a diversos monstruos no cine e a televisión. Ademais, é director de cine e televisión e, nos últimos anos, converteuse nun referente do cinema fantástico.

As curtametraxes escollidas para concursar serán proxectadas entre os días 26 e 27. O xurado está formada por persoeiros do audiovisual e a literatura, como Andrés Goteira, realizador e guionista e gañador de trece Premios Mestre Mateo, Nieves Delgado, escritora de ciencia ficción e Óscar Martín, director de cine con máis de 20 anos de experiencia. No relativo ás largometraxes, as películas seleccionadas para este ano contan historias coma a dun grupo de adolescentes que perseguen un asesino en serie, un bosque con presencias inesperadas e un pasaxeiros espacial. As proxeccións realizaranse os días 25 e 26 no Parque dos Condes.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...