HomeCultura‘Concertos na Terceira Fase’ nos bares da Pobra do Brollón

‘Concertos na Terceira Fase’ nos bares da Pobra do Brollón

O ciclo comeza con Alexandro González este domingo 14 ás 13:00 horas na terraza da parrillada O Fogón, en Cereixa. O músico salcedao ofrecerá un repertorio a piano e voz con versións de clásicos de ambas beiras do Atlántico.

Publicado o

- Advertisement -

O Concello da Pobra do Brollón pon en marcha os ‘Concertos na Terceira Fase’, unha proposta para os vermús dos domingos con cinco concertos a cargo de artistas locais ou estreitamente ligados ao municipio.

Os concertos serán con Samparasón na Salanova, As Searas na Vella Taberna, Garabelo no Bar Pirata e Xerezade no Primeiro de Maio. Todos os concertos son de balde, previa reserva.

O ciclo, cuxo nome é un xogo de palabras coa película de ciencia ficción Encontros na Terceira Fase, trátase dunha iniciativa do Concello para apoiar dous sectores moi danados pola crise sanitaria, a hostalería e o sector cultural.

Para garantir as medidas é necesario reservar con antelación, idealmente por grupos para facilitar a organización das mesas. Cada local terá unha proposta para o xantar para quen se anime a quedarse despois do concerto. As persoas interesadas en xantar poderán indicalo no momento de facer a reserva.

As reservas para o concerto de Alexandro González, o domingo 14, deben facerse no teléfono 982 430 015. Os teléfonos para reservar para os seguintes concertos publicaranse antes de cada evento.

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...