Este sábado, 12 de decembro, a partir das 20.00 contarase co concerto de Red House con Jeff Espinoza e Francisco Simón. O día 13 ás 18.00 horas, o Círculo organiza unha  representación teatral que se desenvolverá no auditorio municipal. O grupo de teatro Viraventos porá en escena “Sucesos”.

Novamente no auditorio municipal contarase con representación teatral organizada polo Círculo Saviñao o domingo, 27 de decembro. Nesta ocasión Nova Escena Teatro presentará “As fillas de Eva”, unha obra para o público adulto.

A actividade cultural deste mes no Círculo Saviñao complétase coa exposición “Pequeniños” de Carmen Prado. A mostra inaugurarase o día 19 ás 8 da tarde e poderase visitar ata o 23 de xaneiro.