HomeCultura"Quimera" o día 4 na casa da cultura de Monforte

“Quimera” o día 4 na casa da cultura de Monforte

A programación cultural de Nadal do Concello de Monforte continua o vindeiro luns 4 de xaneiro de 2021 ás 20:00 h. na Casa da Cultura Poeta Lois Pereiro. Para esta ocasión, teatro de clown para público familiar baixo o título de 'Quimera' e coa interpretación do actor Gabriel Prada.

Publicado o

POR
Redacción
- Advertisement -

Quimera é unha viaxe onírica que nos achega, a traverso da fantasía, a un mundo de ilusión. Un tránsito entre o real e o imaxinario que anima ao personaxe a alcanzar eses soños ocultos que sempre tivo por inalcanzables. Soños nos que unha escaleira pode chegar a converterse nunha perfecta compañeira de baile, en amante, esposa e nai duns fermosos nenos-escada. Soños onde o amor convértese en motor das nosas vidas.

A obra chega a Monforte da man de Hermanager Producións e o espectáculo está interpretado por Gabriel Prada, actor valdeorrés representado por esta mesma produtora.

Prada comezou a súa andaina interpretativa formando parte da Compañía de teatro amateur Gargallada teatro. Destacou no traballo que fixo na obra de teatro “A abraiante vida de Braian” no papel de Braian, facendo a partires deste momento espectáculos unipersoais como por exemplo “A última cinta de Krapp” de Samuel Beckett. Nesta época coñeceu ao actor galego Paco González, membro da Compañía alemá Familie Floez, co que fixo un curso de formación de clown. O seu “feeling” xermolou na idea de crear o espectáculo “Quimera“, show que tivo na dirección a Paco González. Dende ese momento -no ano 2013- ata hoxe, a obra percorreu festivais internacionais e diferentes circuítos galegos.

O aforo máximo será de entre 40 e 50 persoas. A entrada é libre e gratuíta ata completar dito aforo. A entrada o salón de actos realizarase media hora antes (19:30 h) do comezo da obra. 

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...