A visita comezará ás 16.00 h. deste mércores día 1 na sede do Consello Regulador da Denominación de Orixe Ribeira Sacra onde un grupo de tres importadores rusos do grupo SIMPLE catará 40 viños de diferentes adegas da Denominación. Completarase a xornada con visitas a viñedos e adegas das diferentes subzonas da D.O. Ribeira Sacra. O obxectivo é coñecer como se elaboran os viños da viticultura heroica e como a paisaxe define a personalidade do produto final, saberán tamén as adegas en disposición de exportar os seus viños ao mercado ruso. SIMPLE é o maior importador de viños de calidade en Rusia cunha facturación de máis de 140 millóns de euros anuais.

Desde o Consello Regulador da D.O. Ribeira Sacra consideran que o interese do grupo SIMPLE nos viños desta Denominación servirá de estímulo para outros importadores e suporá un impulso máis ao crecente proceso de internacionalización dos viños da Ribeira Sacra.