InicioEconomíaMáis saudables e de paso dinamízase a economía

Máis saudables e de paso dinamízase a economía

Publicado o

- Advertisement -

A provincia de Lugo é a provincia galega que máis superficie adica á produción ecolóxica e para seguir impulsando este sector desde o CRAEGA (Consello Regulador de Agricultura Ecolóxica de Galicia) e a Deputación Provincial promóvense as feiras Ágora Verde. Organízanse diferentes mostras repartidas por toda a provincia, coa colaboración dos respectivos concellos, Monforte de Lemos, Lugo e Viveiro.

Os obxectivos son informar aos consumidores das propiedades e beneficios para a saúde dos produtos ecolóxicos e dos beneficios das prácticas agronómicas ecolóxicas para o medio natural. Búscase tamén aproximar a produtores e consumidores e facilitar encontros entre produtores para establecer alianzas orientadas á distribución e comercialización dos produtos.

Durante a celebración de Ágora Verde, o CRAEGA contará cun stand no que ofrecerá información sobre como recoñecer os produtos certificados como ecolóxicos e entender os seus beneficios. Haberá degustacións  para que os visitantes proben as diferencias cos produtos non ecolóxicos a través das cualidades organolépticas únicas que definen aos ecolóxicos.

A produción certificada como ecolóxica nesta provincia incrementouse nun 45% no pasado ano 2017 cun volume económico superior aos 22 millóns de euros. Cada vez máis o consumidor preocúpase polo que come e quere comer produtos de calidade, o  que necesariamente leva a un incremento na demanda dos produtos ecolóxicos. As labores de promoción e sensibilización sobre a produción ecolóxica completaranse con xogos, obradoiros, concursos e demostracións de cociña, entre outras actividades que terán lugar durante a celebración de Ágora Verde.

ÚLTIMAS

“Foto Nuevo. Unha ollada cara ao pasado”, inaugúrase este venres ás 19:00h na casa da cultura de Monforte

Este venres, 23 de febreiro, ás 7 da tarde, José Tomé Roca, inaugura na...

Pablo Álvarez, con raíces en Sober, está na Antártida co Exército de Terra

Pablo Álvarez, que actualmente reside en Zaragoza por motivos laborais, estivo toda a súa...

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...