A exposición, feita no marco do programa “O teu Xacobeo” da Xunta de Galicia, foi organizada pola Asociación de Periodistas e Estudosos do Camiño de Santiago (APECSA) e inicia o seu periplo en Sarria, pero poderase ver nos seguintes concellos colaboradores: Láncara, Paradela, Triacastela, Samos, O Incio, Folgoso do Courel, Portomarín e Pedrafita do Cebreiro.
Estará aberta, en horario de 10 a 14 horas de luns a venres, pero pódese concertar cita noutros horarios avisando antes por teléfono (982 53500 / 982 530668).
Martín de Padrozelos é, segundo os investigadores, un dos primeiros trobadores da lírica galega medieval. Orixinario de Lóuzara, Samos (onde se conserva a que foi a súa casa no lugar de Praducelos), viviu e escribiu entre os séculos XI e XII e deixou dez cantigas, nove de amigo e unha de amor.
